Merca: Actor Mericano a wordo tira varios biaha den lomba y a fayece

Atlanta, Georgia: Diadomingo den oranan di mainta e curpa di Thomas Jefferson Byrd a wordo haya sin bida.

Mesora polis di atlanta a cuminsa cu un investigacion pa e causa di su morto y a resulta cu e actor a wordo tira varios biaha den lomba. Te na e momentonan aki no tin niun persona deteni pero e investigacionnan ta andando.

Thomas Jefferson Byrd a fayece na e edad di 70 aña. Thomas Jefferson e tabata un actor di cine y teatro. Byrd tabata conoci pa su rolnan den varios producion di Spike Lee. Algun ehempel tabata Clockers, Get on the Bus, Chi-raq, Red Hook Summer, Bamboozled y He Got Game. Tambe e la hunga den e serie di television di Lee’s She’s Gotta Have it di 2017 como Stokely, cual serie por a wordo mira tambe riba Netflix.