Home Dutch Kingdom Hulanda: Marechaussee na Schiphol a los tiro riba un homber cu...

Hulanda: Marechaussee na Schiphol a los tiro riba un homber cu tabata menasanan cu arma blanco

SHARE

Marechaussee a tira un homber cu tabata tin un cuchiu den  man y tabata menasa nan cu ne. Esaki a sosode den departure hall number 3 di Schiphol.

Schiphol, Amsterdam, Hulanda: Dialuna den oranan di anochi a sosode un incidente hopi peligroso na e Aeropuerto di Schiphol na Amsterdam. Schiphol ta conoci pa ta un di e aeropuertonan mas druk di Europa.

Un homber cu un arma blanco den su man, a dirigi su mes na un forma hopi menasante y ofensivo den direccion di un of mas marechaussee.

Mesora nan a pidi e homber na mas di un ocacion pa pone e cuchiu riba vloer, pero e homber aki a nenga rotundamente di sigui ordo di marechaussee. Na dado momento un marechaussee a hay’e obliga di los tiro den direccion di e homber.

E homber a haya un tiro den su pia, y a wordo transporta pa hospital. Un rato despues di e incidente, un otro persona a keda deteni na Schiphol, tabata trata di un homber cu a yega hunto cu e otro na schiphol . E motibo pakiko e homber a menasa e Marechaussee ainda no ta conoci.