Home » Stichting Hoodchamps conhuntamente cu trahadonan di FCCA a soprende hopi mucha di e bario di De Vuyst cu varios regalo

Stichting Hoodchamps conhuntamente cu trahadonan di FCCA a soprende hopi mucha di e bario di De Vuyst cu varios regalo

by Admin
0 comment 68 views

Recientemente Stichting Hoodchamps conhuntamente cu trahadonan di FCCA a dicidi di haci un bunita gesto, door di sorprende muchanan cu varios regalo.

E bunita gesto aki a wordo haci den un di e barionan cu merece mas atencion na Aruba, cual ta e bario di De Vuyst. Stichting Hoodchamps hunto cu trahadonan di FFCA a haci hopi mucha di e bario aki hopi contento. E regalonan tabata varia di entre un bunita bicicleta, varios articulonan di scol y hopi mas. E regalonan aki ta un donacion cu a bin for di Hulanda. Asina aki aportando  na nos muchanan, na un forma sano y educa.

Stichting Hoodchamps ta kere den oportunidad igual pa tur mucha. Stichting Hoodchamps pa 7 aña caba ta aportando na nos muchanan. Hoodchamps a demostra y ta sigui demostra cu bienestar di nos muchanan ta nan prioridad.

Stichting Hoodchamps kier a invita henter Aruba pa bishita nan website www.stichtinghoodchamps.com pa asina haya sa mas di e stichting y tambe con pa aporta.

Tambe por subi www.facebook.com/stichtinghoodchamps, hunto cu pueblo nos por yega pa na un mihor porvenir pa e muchanan y famianan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio