Sabana Liber – Diadomingo merdia(2or pasa) habitantenan di Sabana Liber ta wordo sorprendi pa un zonido fuerte, cu a resulta di tawata un accidente di trafico entre dos auto.
Tawata trata di un accidente na e crusada di Sabana Liber pa bay Alto Vista.
Na yegada di polisnan ariba un distancia di por lo menos 100 meter ta mira e autonan envolvi.
Tawata trata di un Nissan March y un Toyota Celica y un di tres cu a haya poco daño material momento di e impacto .
Loke a sosode
E Nissan March color cora tawata bayendo direccion e supermarket, momento cu e Toyota Celica color blanco a para na e crusada y no ta duna e March preferencia cu tawata biniendo di pariba.
Di e manera aki e Nissan March a dal den banda drechi di e Celica(RHD). Pa un of otro motibo esaki a causa cu e trot di e Celica a pega y a haci cu e auto a sigui bay pariba casi 100 meter y dal contra cura di un cas.
Polisnan cu a yega na e sitio mesora a pidi Materiaalwagen door cu e dama a keda pega den e vehiculo.
Bomberonan hunto cu nan coleganan Paramedico a traha hunto pa asina libera e dama y pase over pa Paramediconan.
E dama tawata papia y por a comunica cu esnan rond di dje.
Esey no ta kita cu e la ricibi hopi sla door di e impacto fuerte.
Mientrastanto mas pabou por mira e Nissan March para cara pariba, pero esaki a bira cara pariba despues di e impacto. Na stuur tawata tawata tin un dama cu tambe a resulta herida y a wordo saca door di Paramediconan y hiba Hospital.
Mientrastanto caminda a permanece cera pa basta rato te ora specialistanan di trafico a hala e autonan y caba cu nan investigacionnan.
