Home » Hulanda: Homber cu a show off cu su arma di candela riba Social Media, un rato despues a keda deteni

Hulanda: Homber cu a show off cu su arma di candela riba Social Media, un rato despues a keda deteni

by Admin
0 comment 61 views

Polis a haci in entrada hudicial na cas di un homber cu un rato prome tabata show off cu su arma di candela riba social media, mustrando tur su followersnan su arma y te hasta a los tiro.

polisnan no ta solamente patruya riba caya, pero tambe ta basta activo riba social media ta controla

Rotterdam, Hulanda: Diasabra den oranan di anochi, mientras algun agente policial tabata riba social media nan ta mira algo cu mesora a hala nan atencion, durante un livestream nan a mira un homber (37) ta show off, cu un arma di candela den su man y tabata carga su arma di candela. Na dado momento e homber a los un tiro cu e arma aki tambe, e homber aki sigur no a tene na cuenta cu tin polisnan tambe cu tabata mira su livestreaming.

E agentenan aki mesora a dicidi haci un investigacion y hopi liher nan a logra haya tur datos di e homber y su adres, mesora e agentenan a prepara pa bay den accion.

Un rato despues di e livestreaming, a base di e ley di arma y municion, polis di Rotterdam a haci un entrada hudicial na cas di e homber y a detene e homber aki.

Durante cu nan tabata rista den e cas, e agentenan a bin topa cu algun huls, pero e arma mes no a wordo haya ainda. E homber ta deteni pa interogacion y polis ta haciendo mas investigacion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio