Home » Haci compra online y paga cu bo Mastercard Debit Card di Banco di Caribe

Haci compra online y paga cu bo Mastercard Debit Card di Banco di Caribe

by Admin
0 comment 87 views

ORANJESTAD: E tarheta di debito Mastercard di Banco di Caribe ta realmente unico. No solamente pa su diseño, pero tambe pa su opcionnan di pago cu ta ofrece un experiencia bancario nobo. Un ehempel ta e posibilidad pa paga compras cu bo haci online via di un ‘webshop’ cu bo tarheta di debito. Pa e transaccion aki ta debita bo cuenta coriente directamente. Pa por uza e opcion di Pago Online cu bo tarheta di debito, mester aplica teniendo cuenta cu tur e condicionnan di uzo.

Aplica pa Pago Online cu bo tarheta di debito
E tarheta di debito Mastercard ta ofrece e posibilidad di haci compra via ‘webshop’. E opcion di Pago Online cu bo tarheta di debito ta conecta directamente na un cuenta coriente. Clientenan cu ta desea di haci uzo di e opcion di pago aki, mester aplica. Pa por aplica, mester manda un mensahe via di BdC Online, yena e formulario online riba www.bancodicaribe.com of bishita nos oficina na Vondellaan 31 y completa e formulario di Mastercard Debit personalmente. Mester traha un cita prome cu pasa na nos oficina.

Unda por haci uzo di dje
Por uza e opcion di Pago Online cu bo tarheta di debito Mastercard tur caminda cu Mastercard Debit ta keda acepta online. Importante ta pa bo tin e fondonan disponibel riba bo cuenta coriente pa e pago por pasa. Esaki conforme e limite aproba pa banco.

Bo no a ricibi e tarheta di debito nobo ainda?
Entretanto, a cuminsa cu distribucion di e tarheta di debito nobo. Clientenan cu ta uzando un tarheta di debito valido ta ricibi e tarheta di debito Mastercard nobo via post na e adres cu ta registra na banco. Clientenan cu recientemente a aplica pa un tarheta di debito ta ricibiendo un yamada di un representante di banco pa por pasa busca e tarheta nobo. Pa mas informacion por consulta e seccion di pregunta y contesta rapido riba www.bancodicaribe.com. Ademas, por yama nos Customer Support Center na 523 2250.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio