L.G.Smith Boulevard, Sun Plaza Mall:Diasabra den careda di 9’or y 45 di mainta, alarma a wordo bati pa un candela den di e oficina riba e di dos piso di Sun Plaza Mall.
Mesora dos unidad di brandweer y polis a sali cu urgencia direccion di Sun Plaza, na yegada nan a nota enberdad cu tabata tin huma ta saliendo for di e dak di e edificio.
Na yegada tabata tin algun hende den un di e oficinanan y aparentemente nan no tabata sa ainda cu tabata tin candela, mesora personal di brandweer a drenta pa avisanan kiko tabata pasando.
Hopi lihe brandweer a bay den accion pa asina evita cu e candela por sigui expande. Na momento cu nan a subi na e piso mas halto nan a bin nota cu ta un fuse box cu ta riba e dak di e edificio tabata na candela. Door di e maltempo fuerte cu Aruba tabata experenciando e la pega candela. Mesora personal di brandweer a paga e candela.
