73
Rooi Kochi – Diabierna anochi algo pasa di 10’or o sea despues cu TDQ a cuminsa polis a haya informacion di un boksmento na Rooi Kochi.
Na yegada di patruya di San Nicolas nan a topa cu un Hyundai Tucson pega contra un cura di cas, pero e chauffeur mes no tawata tey mas.
Segun habitantenan, despues cu e chauffeur a dal cu e vehiculo e la baha core bay, posiblemente pa no haya boet di mil florin.
Polis di trafico cu tambe a presenta a bay over na pidi pa takelwagen y di e manera hiba e auto warda di polis.
E chauffeur awor lo mester presenta na warda pa busca su auto cu e la core bay laga.
Por observa automobilistanan prome cu 10’or di anochi coriende cu velocidad halto pa yega nan cas, loke ta peligroso pa nan mes y pa otronan.