Home Local Control di Kustwacht ta na interes di seguridad di individuonan y...

Control di Kustwacht ta na interes di seguridad di individuonan y Pais Aruba

SHARE

 

Ayera Kustwacht a topa durante un control riba lama cu seis persona ilegal riba un boto cu tabata na caminda di Aruba pa Venezuela.
E dos tripulante di e boto a wordo deteni y laga den libertad despues di investigacion.
Den e caso aki tabatin insuficiente motibo pa sigui cu persecucion penal di e dos tripulantenan aki.
E seis personanan illegal a wordo entrega na Guarda nos Costa (GNC).

Kustwacht Steunpunt Aruba ta hiba controlnan manera esun di ayera den cuadro di proteccion di frontera.
E controlnan aki ta importante pa evita cu personanan sali for di Aruba ilegalmente y tambe pa preveni otro actividadnan prohibi manera traficacion di contrabanda.
Ademas Kustwacht ta controla seguridad di e boto, e personanan riba e boto y si e tripulacion ta dispone di e documentonan necesario.
E controlnan aki ta no solamente di importancia pa seguridad di personanan individual, pero tambe pa seguridad di Pais Aruba.