Home Police Chauffeur di un Honda Fit a hala na su man robes y...

Chauffeur di un Honda Fit a hala na su man robes y a dal contra un BMW cu tabata biniendo di direccion contrario

SHARE

Noord: Diabierna algo prome cu 7’or y mey di anochi, a sosode un accidente na altura di MFA noord, mesora a pidi pa presencia di polis y ambulance.

Polis di motorunit mesora a bay na e sitio y a cera e caminda pa trafico. Polis di trafico tambe a bay na e sitio pa tuma datonan.

Na yegada nan a bin compronde cu un Honda Fit color preto tabata bayendo direccion panort, pa un of otro motibo e chauffeur a hala cu su auto na su man robes, casi a dal contra un Toyota Tercel, pero no por a evita di dal contra un BMW shinisi, e impacto tabata den banda. E dama chauffeur di e Honda Fit tabata herida y tabta keha di dolor.

Paramediconan di ambulance a trata e dama na e sitio y despues a transport’e pa hospital.

Takelwagen mester a presenta pa hala e autonan for di riba caminda. Ambos auto a haya basta daño material.