135
Bubali – Diahuebs anochi pasa di 9’or un persona a notifica polis di un auto color preto haciendo aparentemente cosnan straño, manera cende y paga luz.
Esaki lo tawata ariba Caya G.F.Betico Croes bayendo direccion rotonde Cumana.
E vehiculo lo a subi Watty Vos Boulevard y tawata direccion Bubali unda e vehiculo lo ta registra.
Dilanti cas di e chauffeur polisnan a acerca e cabayero y lo a splike kiko ta e motibo cu nan ta eynan.
No tawata posibel pa usa Alco-sensor debi na Covid-19.
Polis a papia algun rato cu e chauffeur y despues di scucha su banda tambe nan a bandona e sitio.