Milonstraat – Diahuebs anochi pa mas o menos 7’or polis a haya varioa yamada di un pelea serio na altura di Misa La Birgen di Fatima na Dakota.
Na yegada di polis mesora e agente a solicita pa un ambulance, debi cu e la topa cu un di e partidonan herida na e sitio. E otro lo a move.
Polis a compronde cu e problema a inicia momento cu un brommer lo a yega bira dilanti un auto.
Eynan lo a start un intercambio di palabra, cu a caba unda un di esnan envolvi a saca machete y e otro a usa un palo.
Aki un a haya varios corta na curpa y e otro basta golpi na cabes door di e palo usa.
Un ambulance a yega y a hiba e prome victima pa Hospital. Un otro patruya buscando den vecindario a topa cu e otro partido, e otro banda di Misa esta den Papayastraat/Shimarucustraat.
Aki agentenan a constata cu tambe tin golpi serio na cabes y a pidi pa un di dos ambulance.
Na yegada Paramediconan a pone den ambulance pa dune asistencia y despues bay Hospital.
Pues e persona haya den Papayastraat lo ta esun cu probablemente a cuminsa e problema.
BFTO(polis tecnico) tambe a presenta pa haci nan investigacion, sacando potret y tumando vingerafdruk etc etc.
