Jamanota – Diaranson anochi algo pasa di 9:30 polis a wordo pidi cu urgencia na Jamanota, tawata momentonan di desesperacion pa e habitantenan.
Na yegada di patruya e habitantenan ta conta cu algun rato prome nan a wordo atraca.
Mesora agentenan a notifica esaki.
Lo tawata trata di tres persona cu a drenta e cas y despues posiblemente lo a bay den un auto bieu.
Loke sa pasa hopi biaha ta cu autoridad lo busca Security Cameras den e vecindario of ariba e ruta y asina trata na yega esnan culpabel.
Di parti Cuerpo policial nos a ricibi e siguiente informacion:
” —Cuerpo Policial ta informa—
22.22 central di polis haya un jamada cu un atraco a tuma lugar na un cas na Jamanota. Na jegada di patruya e persona ta splica cu tres persona lo mester a bin su cas y atrake.
Atraco team a presenta na e sitio y a tuma e investigacion over. Cuerpo Policial ta pidi pa es cu a wak algo of sa algo jama tiplijn di polis cu ta 11141″.
Polis no a bisa cu kiko nan a logra bay cu ne.
