Nos kier a rekordá komunidat ku relashoná ku e kaso di asesinato ku a tuma lugá dia 6 di yanüari 2020 den Kaya Neblina, Polis huntu ku Ministerio Públiko ta realisando investigashon pa mas pronto posibel hasi detenshon di esun kulpabel i pa solushoná e kaso aki.
Den kuadro di esaki, ta hasi un súplika na komunidat pa koperá ku informashon ku por yuda na detenshon di e hòmber sospechoso Xiomar Girigori Remigio Winklaar (alias Taito), nase na Kòrsou dia 31 di mart 1999 i biba na Kaya Meteorológiko 47 (Komunikadonan di prensa fechá 6 di yanüari no. 008/2020, 15 di yanüari 2020 no. 019/2020 i 22 di yanüari 2020 no. 033/2020).
Ministerio Públiko ta duna un rekompensa di 5 mil florin na e informashon ku por kondusí na detenshon di e sospechoso i/o solushon di e kaso aki.
Pa duna tep riba e kaso aki, por yama e number anónimo di polis 108.
Kuerpo Polisial i Ministerio Públiko ta konta riba yudansa di komunidat pa por solushoná e kaso aki tambe.
Nota pa redakshon – no pa publikashon
Pa mas informashon bo por tuma kontakto ku Departamento di Komunikashon i Prevenshon na e numbernan di telefòn 8666-150 / 8666-152 / 8666-153.
Orario: djaluna pa djabièrnè di 8.00 – 22.00 or;
- Por yama durante di dia i den wikènt pa hasi entrevista i despues di 22.00 or por tuma kontakto ku: • bosero suplente di Kuerpo Polisial Kòrsou Alto Inspektor Imro Zwerwer na number di telefòn 5242403.
SIRBI I PROTEHÁ