Home Dutch Kingdom PARLAMENTARIO OROPEO SAMIRA RAFAELA TA RISIBI NOMINASHON PA HARPER’S BAZAAR WOMEN OF...

PARLAMENTARIO OROPEO SAMIRA RAFAELA TA RISIBI NOMINASHON PA HARPER’S BAZAAR WOMEN OF THE YEAR 2020  

SHARE

 

BRUSSELS, BELGIË – Konseho di Mesa di 12 a nominá e promé Parlamentario Oropeo ku rais Hulandes Karibense, Samira Rafaela (D66) pa Harper’s Bazaar Women of the Year 2020.

Nan a kompilá un lista kòrtiku di 16 dama, ku hasi prestashonnan notabel rònt mundu den e último aña aki. Nos Samira Rafaela ta ser deskribí komo un miembro di Parlamento Oropeo feminista, progresivo i masha versátil ku antesedente mòslem, hudiu, karibense, hulandes i afrikano oksidental. Nan ta mira den dje e dama ku por sali na vanguardia pa defendé e salú físiko i finansiero di tur hende durante Corona, inkluso nos islanan Karibense di Reino Hulandes.

 

Den e momentu di mas difísil di e pandemia COVID-19, e europarlamentario Rafaela a komprometé Parlamentu Oropeo kompletu ku nos islanan Karibense den Reino i tur esnan mas afektá i vulnerabel den komunidat.

Anteriormente den Aprel 2020 nan a nombra Samira komo e Dama di Siman (Women of the Week) pa motibu di su kompromiso na e islanan den Karibe durante e krísis di Corona. Den Samira su propio palabranan e la bisa: “Nos mester hasi tur ku ta posibel pa mantené nos mes saludabel i salbaguardiá nos ekonomia i sigur esnan di nos islanan den Karibe.”

E rol spesial i liderato ku e europarlamentario a bini ta hiba te ainda, a trese su nominashon komo Dama di Aña 2020 (Women of the Year 2020).

Tur hende por vota pa e premio públiko via e link: https://actie.harpersbazaar.nl/woty-2020

E seremonia di premiashon lo tuma lugá na Amsterdam, dia 19 di Novèmber 2020.