Home Local Aruba Bank ta reconoce su empleado superior pa luna di september

Aruba Bank ta reconoce su empleado superior pa luna di september

SHARE

ORANJESTAD, Aruba – – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna. E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esnan cu bishita Aruba Bank of haci uzo di un manera of otro di un servicio di banco. Othniel Rasmijn a ser selecciona durante di luna di september pa su dinamismo y eficiencia den su area di trabou.

Othniel Rasmijn, IT Services Support Technician, a brinda un servicio superior na clientenan den su area. E ta haci esaki den un tempo record atendiendo su clientenan pa nan por sigui cu nan trabou!

Claro cu e forma aki di bay un “extra mile” pa un cliente no por pasa sin e debido reconocimiento. Su dinamismo, profesionalismo y eficiencia a haci cu ela wordo nomina y reconoci como un empleado superior.

Aruba Bank ta felicita y gradici e miembronan di e famia di Aruba Bank cu a wordo nomina pa cliente y of colega  pa yuda brinda tur cliente “Un Experiencia Superior”. Pabien Othniel!