Home Politics Alan Howell: Vuelonan humanitario pa Venezuela ta yuda baha e presion...

Alan Howell: Vuelonan humanitario pa Venezuela ta yuda baha e presion na Guarda Nos Costa

SHARE

 

 

Parlamentario di fraccion di POR, Alan Howell a mustra di ta contento cu e desaroyo cu ta tumando lugar pa loke ta trata e repatiacion di ciudadanonan Venezolano cu ta(bata) pega na Aruba pa hopi tempo.

Por a mira cu diaranson un di dos vuelo humanitario a sali rumbo pa Venezuela cu un total di 134 pasahero, cual un parti di nan tabata na Guarda Nos Costa. Den Parlamento Howell a haci hopi pregunta na Minister di Husticia riba con e ta bay soluciona e situacion na Guarda Nos Costa mirando cu hopi biaha e presion cu tin eynan ta trece inseguridad pa e trahadonan. Naturalmente e aspecto humanitario tambe ta hopi importante pa tene na cuenta mirando cu varios di esnan cu ta eyden lo desea di regresa nan pais.

Ta pa hopi lunanan a traha duro pa logra realisa e dos vuelonan humanitario aki y por a compronde cu ta trahando pa un di tres vuelo tuma luga. Alan Howell ta compronde cu e falta pa logra e repatriacion y/of expulsion di e ciudadanonan Venezolano no tabata di Aruba sino di Venezuela cu no tabata permiti entrada di vuelonan inernacional. 

Pero Minister di Husticia a priminti cu el lo haci su maximo esfuerso pa busca un forma pa toch logra pa e hendenan aki por bay nan pais bek y asina trece e trankilidad bek na Guarda Nos Costa y esaki a wordo logra cu e bon cooperacion di diferente instancia. Parlamentario Howell kier a gradici e director Kramers pa tur esfuerso brinda den esaki tambe.

Awo na Guarda Nos Costa cu su director nobo lo por tin menos presion y mas trankilidad. Alan Howell tin confiansa cu un di tres vuelo humanitario lo tuma luga pronto y di e forma aki lo mehora mas ainda e presion cu e departamento importante aki tin.