Durante un encuentro cu Gobernador interino Yvonne Lacle un delegacion di AVP consistiendo di Lider Partido mr. Mike Eman y parlamentaria drs. Mervin Wyatt-Ras a comparti cu Gobernador interino e relato di AVP: “Covid-19 den Perspectiva”.
Awe mainta Lider di Partido AVP, mr. Mike Eman y parlamentario drs. Mervin Wyatt-Ras a presenta e relato “COVID-19 DEN PERSPECTIVA”. Lider di Partido Mike Eman a splica cu e meta di e brainstorming hunto cu expertonan riba COVID-19 y e relato presenta awemainta ta pa contribui na un miho comprondemento di e pandemia y su consecuencianan pa Aruba.
Partido AVP a tene un serie di consulta cu expertonan medico, social y di enseñansa, pa haya tende di nan con nan a atende cu e situacion cu e enfermedad contagioso aki a crea pa nos bida diario, kico ta e daño cu ela causa, dicon cosnan a bay manera nan a bay for di nan perspectiva y kico mester wordo haci pa nos comunidad ta miho prepara pa crisisnan similar den futuro. E brainstorming aki a tuma luga dia 20 di augustus 2020. Basa riba e informacion cu a wordo presenta door di expertonan, a compila e relato “COVID-19 DEN PERSPECTIVA”.