Home Police Caso di tiramento na un cas na Sero Pita, agente policial a...

Caso di tiramento na un cas na Sero Pita, agente policial a tira un persona fatalmente

SHARE

Dialuna algo pasa di 10’or di anochi un patruya di polis a wordo pidi pa bay na un cas na Sero Pita, caminda lo tin un problema y a pidi pa asistencia di polis.

Un patruya di polis di Santa Cruz a bay na e cas na Sero Pita y aki lo a surgi un problema, caminda un persona lo a menasa polis cu aparentemente un obheto skerpi, algo a bay for di man y e polis lo a sinti cu su bida tabata coriendo peliger y a los un tiro den direccion di e agressor, cu resultado fatal.

Mesora e agentenan policial na e sitio a pidi pa presencia di un ambulance y tambe a pidi pa presencia di mas polis cu hopi urgencia. Varios unidad di polis a bay na e adres y a cera e area completamente, tambe a pidi pa tur autoridadnan competente. Recherchenan y Departamento tecnico di polis a bay na e sitio pa asina haci e investigacionnan necesario.

Dokter Texier a presenta pa constanta morto.