Wardacosta su punto di sosten na Aruba hunto cu KPA a tene un accion riba tera cual a resulta den varios detencion i hayasgo di droga

Diabierna den oranan di anochi, Wardacosta su punto di sosten na Aruba hunto cu KPA a tene un accion riba tera cual a resulta den varios detencion i hayasgo di droga.

E sistema di radar di KPA a conclui cu un boto lo mester a yega tera. Mesora Wardacosta i KPA cu nan unidadnan a bai den accion. Durante di e buskeda riba tera, personal di Wardacosta a encontra 9 ‘jerry cans’ cu ta sospecha ku tin contenido di droga.

Personal di KPA a logra pone man riba 8 persona indocumenta durante e buskeda riba tera. E 9 ‘jerry cans’ a ser entrega na KPA pa por sigui ku e investigacion. E caso aki den su totalidad tabata un bon colaboracion entre e partnerdienstnan di Wardacosta y KPA.