Home » Hulanda: Dos controlado di e taskforce di Coronacrisis a wordo maltrata, secuestra y menasa pa doño di un Cafe

Hulanda: Dos controlado di e taskforce di Coronacrisis a wordo maltrata, secuestra y menasa pa doño di un Cafe

by Admin
0 comment 99 views

Medemblik: Doño di un cafe na Medemblik a keda deteni pa maltrato, menasa y secuestro di dos controlado di e taskforce cu tabata haciendo e control necesario referente e medidanan implementa pa cu Coronacrisis.

E dos supervisornan a bay tene un control den un cafe, pa mira si e establecimento ta cumpliendo cu e medidanan pa cu e coronavirus. E control a sosode diasabra nochi, den un cafe riba Kaasmarkt na Medemblik.

E controladonan di e taskforce a drenta algo despues di mey anochi den e Cafe y a cuminsa saca algun potret di e situacion cu tabata reinando den e cafe e momento ey. Entre otro nan a constata cu no tabata wordo mantene na e regla di distancia social y cu tabata huma den e establecimento aki.

E doño di e cafe a mira e dos controladonan haciendo nan trabou, E la cuminsa papia cu nan y aki ta caminda cu e situacion a bay for di man.  E doño di e cafe a cuminsa menasanan cu morto y a  maltratanan. Tambe e dos controlado nan a wordo cera den e cafe contra nan  boluntad.

Algun cliente di e cafe a kita e cellularnan for di e controladonan y a delete tur e potretnan cu nan a saca y cu nan por a uza como puebia. E telefonnan cu nan a usa pa saca e potretnan, a wordo kita for di nan door di cliente di e Cafe y tur e potretnan cu por a wordo usa como prueba a wordo delete.

Despues di basta lucha porfin e controladonan a logra sali for di e cafe. Un di nan a keda levemente herida durante e incidente aki.

Polis a wordo poni na altura y a cuminsa cu un investigacion. E agressor kende ta e mesun doño di e cafe a keda deteni. E tabata bou influencia di alcohol, e la keda deteni pa mas investigacion. E Municipio Medemblik ta pensa di tuma pasonan legal contra e Cafe y e doño.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio