Home Police Dama a perde controla ariba su vehiculo, causando cu e la bolter...

Dama a perde controla ariba su vehiculo, causando cu e la bolter ariba Avenida Nelson O. Oduber

SHARE

Avenida Nelson O.Oduber(Sasaki) – Diasabra mainta pa mas o menos 7:30 informacion a drenta cu un auto a bolter poco mas panort di e rotonde di Super Food. 

Mesora un unidad di Noord a sali pa e sitio y berdad a bin topa cu un Honda Fit ariba su dak den e greppel.

Na stuur tawata tin un dama, cu a sali for di e auto sin ningun herida pero si hopi spanta.

Segun e la conta polis, cu e stuurwiel a cuminsa haci straño y esaki a pone cu e la perde e control ariba e vehiculo.

Cu e resultado ya conoci, cu e auto a bolter y bay termina den e greppel ariba su dak.

Ambulance tambe a presenta unda cu Paramediconan a controla e dama na e sitio, y despues e mester warda pa takelwagen lanta e auto.