Home » E Carnaval mundialmente mas grandi y mas luhoso, pa 2021 a keda cancela, pa motibo di Covid-19

E Carnaval mundialmente mas grandi y mas luhoso, pa 2021 a keda cancela, pa motibo di Covid-19

by Admin
0 comment 63 views

Carnaval di Rio de Janeiro a keda cancela pa 2021, esaki ta pa prome biaha den historia despues di 108 aña consecutivo.

Rio De Janeiro, Brazil: Februari 2021, no lo tin Carnaval, pendiente con e desaroyonan lo sigui rond di Coronavirus por ta pa memey di otro aña e cuidad  lo por celebra carnaval, pero no por confirma esaki ainda. E unico desicion cu ta sigur, ta e cancelacion di e Carnaval di Rio.

Esaki a wordo anuncia diahuebs den oranan di anochi pa e asocacion di e scolnan di Samba (LIESA) di Rio de Janeiro.

Carnaval na Rio de Janeiro, locual ta resalta ta e paradanan di anochi cu ta dura 4 anochi y ta den e stadion Sambodromo cual a wordo specialmente construi pa e Carnaval di Rio. Sambodromo ta keda den e centro di Rio. E actividad Carnavalesco aki ta locual ta haci e Carnaval di Rio mundialmente famoso.

Durante e paradanan, diariamente ta bin mas cu 10 mil hende hunto den e parada y tambe na e mesun momento e ta un competencia entre e scolnan di samba. Tur cos ta depende si acaso logra haya un posibel vacuna y cu lo por sigui cu e paradanan memey di otro aña.

Tocante e fiestamento di Carnaval riba caya, pa otro aña, ainda no a tuma un desicion ainda si ta cancela esaki tambe.

Carnaval di Rio ta un atracion turistico hopi grandi pa Rio de Janeiro. Aña pasa 2.1 miyon turista a bishita Rio pa e celebracion di Carnaval y esaki a contribui na un impulso economico di un 0,7 miyard Euro.

Brazil, despues di Merca y India ta e pais cu mas contagio di corona y despues di Merca tambe Brazil ta conta cu mas morto di  Coronavirus. Mas cu 4.6 miyon persona ta contagia y casi 140 mil a fayece di Covid-19.

Diariamente tin mas o menos 30 mil caso positivo di contagio acerca y ta muri mas cu 600 persona di e malesa aki. Rio de Janeiro ta despues di Sao Paolo e cuidad mas afecta. Na Rio tin casi 100 mil persona contagia cu Covid-19 y tin 11.700 habitante di Rio cu a fayece di Coronavirus.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio