64
Alto Vista, Noord: Diahuebs den careda di 8’or y mey di anochi, presencia di polis a wordo pidi cu urgencia na un cas na Alto Vista, pa motibo cu cachonan di bisiña a mata su cacho.
Na yegada polis a papia cu e doño di cacho cu a wordo mata, e la splica polis cu e cachonan di su bisiña a bula den su cura di cas y a mata su cacho, despues cu nan a caba di mata su cacho nan a bula bek den nan cura. Aparentemente lo ta trata di dos cacho di rasa Boerboel, cual ta cachonan hopi peligroso.
Despues polis a bay papia cu e doño di e dos cachonan y a splica e doño riba e consecuencianan di locual su cachonana a haci.
Polis a tuma tur datos y a splicanan e caminda pa cana.