Home International Ataque terorista na ex oficina di Charlie Hebdo na Paris

Ataque terorista na ex oficina di Charlie Hebdo na Paris

SHARE

Segun autoridad Frances: E hincamento di diabierna mainta na e ex kantoor di Charlie Hebdo na Paris ta un ataque terorista.

Paris, Francia: E caso di hincamento a tuma lugar awemainta na e ex oficina di Charlie Hebdo, caminda 7 di Januari 2015, 12 persona a perdenan bida den un ataque terorista, cu a shock Francia y mundo henter. Charlie Hebdo ta un corant satirico cu ta wordo publica semanalmente.

Durante e hincamento di Diabierna mainta na e ex oficina di Charlie Hebdo, dos persona a keda herida y a wordo transporta cu urgencia pa hospital, nan situacion no ta serio. Mesora despues di e melding, un cantidad grandi di polis a bay na e sitio y a cuminsa cu un investigacion.

Un rato despues di e hincamento polis a logra pone man riba dos sospechoso. Mas laat durante dia nan a bolbe detene 5 persona. Segun prensa Frances ta trata di 5 homber cu ta naci entre 1983 y 1996. E sospechosonan a wordo aresta den e parti di e cuidad yama Pantin, esaki a sosode durante un entrada hudicial na e cas di e sospechoso principal.