Home » Cera conoci cu Suzy Maduro, Exporter den e Master Class “From Zero to Hero- Empowered Women Exporters” di Exprodesk

Cera conoci cu Suzy Maduro, Exporter den e Master Class “From Zero to Hero- Empowered Women Exporters” di Exprodesk

by Admin
0 comment 58 views

 

 

 

ORANJESTAD – Suzy Maduro ta forma parti di e grupo di profesionalnan cu a sigui nan cursonan di Exprodesk na Departamento di Asuntonan Economico, na un manera continuo y hunto cu algun otro damas a yega na e nivel di Master Class “From Zero to Hero: Mastermind- Empowered Women Exporters” presenta pa un export coach internacionalmente reconoci cu ta sra. Taiana Mora di NEX Consulting. E grupo ta consisti di 6 hende muher y 1 hende homber. Den e proximo temporada Exprodesk ta bay “showcase” integrantenan di e Master Class aki y conta un tiki di nan experiencia y kico tur nan ta logrando riba e area di exportacion. E focus principal ta pa e grupo di “Empowered Women Exporters” internacionalisa nan productonan, talentonan/servicionan den e mas amplio sentido di palabra.

 

Cu esaki Exprodesk tin como meta pa encurasha y stimula mas di nos hende muhernan profesional cu tin e potencial pa exporta cu nan tambe lo por logra esaki door di cera conoci cu e hende muhernan di “Empowered Women Exporters”. 

 

Suzy Maduro, a gradua for di Bowling Green State University na Merca, cu un Bachelor’s Degree den Journalism (Periodismo) y un estudio menor di Spaño. Suzy ta un orador espectacular y un experto den Relacionnan Publico (PR). Ademas e ta un persona cu ta sigui trendnan di negoshi, consumidor, biahamento, mercadeo, tecnologia y tur locual ta pasa mundialmente cu ta hermentnan hopi esencial pa por aplica awendia den strategia di negoshi.

Suzy Maduro ta e fundador di Suzy Maduro Consultancy. E compania aki ta conseha den un manera profesional con pa traha y mantene un imagen di un compania of persona. Sra. Maduro ta traha media plan, comunicadonan di prensa, organisa eventonan pa promove informacion y experticio cu un compania kier promove, ta coordina varios trabounan y conseha riba con pa comunica den e mihor manera posibel cu e publico. E ta tene charlanan di motivacion y workshops pa trahadornan como hefenan den actitud, proyeccion y comunicacion. E ta un ferviente orador riba asuntonan di empoderamento di hende muher y di esnan cu menos voz en general, public relations, comunicacion y networking moderno. Ademas e ta corector di papiamento y ta scirbi contenido na Ingles, Spaño, Hulandes y Papiamento pa varios medionan.

 

Clientenan, negoshinan y tecnologia ta cambiando mas rapido cu nunca — pero mayoria di companianan no a logra ainda pa adapta y mayoria no ta mira e importancia di e sciencia di PR y su ventahanan a corto y largo plazo.  Aplicando strategianan di PR un compania por transforma e manera cu e ta traha y saca ventaha positivo. No ta importa bo industria cu bo ta aden, comprendiendo kico ta public relacions y comunicacion hunto ta bai duna bo un vision cla y oportunidadnan nobo.

 Su

Su experiencianan ta inclui: Communications Manager y vocero di SETAR, Public Relations manager y Information Officer na Cabinet di Ministro Plenipotenciario na Hulanda, Asistente di Secretario di Prensa pa Gobierno di Aruba.   

 

A fungi como miembro di International Student Association na BGSU | miembro di Organizacion Government Body na BGSU | miembro di  Women in Communications Chapter na BGSU | Escritor Freelance pa e corantnan di campus OBSIDIAN y BG NEWS | Ex presidente di Quota International of Aruba, Ex Secretaris di Directiva di Stichting Schouwburg Aruba |  Ex Secretaris di Directiva di YMCA Aruba | Colaboradora di varios otro organisacionan non profit na Aruba | Invitado di Panel na e Women Conference 2019 na Aruba.


Suzy Maduro a keda nombra como e Top 7 hende muhernan mas poderoso di Aruba segun e The New York Times 2018.

Actualmente Suzy Maduro ta preparando su mes pa bay e siguiente stap. E ta bay exporta su talentonan via medionan social y pa esaki e ta bai tin un seminario via Zoom dia 30 di september proximo na un prijs hopi atractivo “PR for Beginners” na unda e participantenan por haya un bista den e tereno interesante aki. Pa registra por manda un e-mail na [email protected] of whatsapp na 5922425 pa haya mas informacion.

 

Pa sa mas di Suzy Maduro por bishita su website www.suzymaduro.com

Instagram Suzy2020 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio