Rotonde nobo Tanki Leendert – Diaranson merdia den careda di 2’or polis di trafico a bay e rotonde nobo di Tanki Leendert cu ta parti di Watty Vos Boulevard. Eynan un boksmento a tuma luga y un di e chauffeurnan tawata haciendo fastioso.
Na yegada di polis di trafico e ta un Chevrolet S10 y un Toyota Yaris.
E Toyota tawata tin daño material na e parti drechi dilanti.
Poco mas pazuid e S10 tawata tin daño parti patras banda robes, area di e tire.
Polis di trafico despues di haya splicacion di ambos partido a pasa un rato basta fastioso cu e chauffeur di e Chevrolet S10. Ni maske cuanto polis a splike cu e ta fout e no ta compronde.
E Chevrolet S10 a subi rotonde dal e Toyota, polis a splike cu e Toyota ta ariba su caminda di preferencia esta e rotonde, y cu ta e subi dal y cu e fout.
Despues di bastante papiamento cos a calma y tawata parse cu chauffeur di e pick up a compronde.
