Home Lifestyle Bo Programa Social – Cu Astrid bisa Mi awor ta na Blue...

Bo Programa Social – Cu Astrid bisa Mi awor ta na Blue fm 107.5

SHARE

Pa tur esnan cu tawata scucha mi na Hit94 mi kier laga sa cu mi ta awor na Blue fm 107.5 den e horario di merdia 12 pm te cu 2 pm di Dialuna pa Diabierna. Mi persona kier a gradesi Johnny Habibe un biaha mas pa e oportunidad cu su persona a duna mi na Hit94 y tambe awor na Dj Corsow e oportunidad di tin mi na Blue fm 107.5.
Pa esnan cu no sa Bo Programa Social ta un programa educativo pa Educa – Informa y Concientisa nos riba tur topiconan cu ta social. Mi nomber ta Astrid Vries y mi nomber como presentador di mi programa ta “Cu Astrid bisa Mi”
Bo Programa Social ta un programa presenta pa e Fundacion Ban Educa y Prepara y tambe presenta door di Aruba Human Rights for all.
No solamente pueblo por sintonisa Blue fm 107.5 pa scucha mi programa via radio pero tambe esnan cu tin facebook por wak y volg mi programa via mi Facebook Pagina: Aruba Human Rights for All.
E ta un programa cu mi ta contento cu a hala atencion di hopi hende y esaki mi ta bisa door cu ora cu mi topa personanan riba caja tanto conosi y no conosi ta bisa mi cu nan ta scucha mi programa social. Tambe via whatsapp ta manda mi mensahe bisando mi cu e programa di dia tawata super bon.
E programa no solamente ta pa papia riba topiconan social pero tambe cu entrevistanan cu invitadonan den studio y algun entrevista via telefoon.
Invitadonan cu a wordu entrevista caba cu a comparti cu oyentenan tawata Manolo Valdes (deporte) , Addonsito Croes (Educador y mas), Mak Koolman (musico), Yolanda Croes (Escritor, Directora di Scol di Idioma, Cantante), Curtis Pieternella (Tour guide y bida den farandula, Dr Psicologo Robert Leal ( Abuso Sexual), Josephina Albertus di Sindicato Simar(trabow como sindicato y problemanan den educacion), Joshuar Gomez un hoben cu ta studiando na hulanda cu a scirbi su prome buki tocante di Homosexual jama Amen cu Sanger, Giovanni Trim (Nos Papiamento), Gilbert Webb lider di partido nobo HTC, Parlamentario Robert Candelaria nos a papia tocante di Mi Wiel tambe ta Conta (personanan cu limitacion), Al Kock (deporte di Coremento), Touch Response ( Servicio di alarma pa nos grandinan y ki servicio mas ta brindando na nos comunidad), Mr Scribel di Grupo Ta Basta (Abuso Sexual), Director di Svb Mr Edwin Jacobs, Teamup4Shady (un mucha di 8 anja cu mester di judansa finaciero pa busca su salud na hulanda), Jennifer van der Biezen (Mindset), Ulisses Maduro (Deporte).
Nos dilanti sigiendo cu entrevista Miguel Genser (Specialista y cantante), Endy croes y Carl Ludwig (Pareha casa di mesun sexo y tambe dos persona cu ta traha duro pa hiba nos pais dilanti), Randall Croes (Musico – Cante di Gospel, Jessy Larmonie mihor conosi como Alaska (ken ta Alaska), Dr Jenny Montiel (lo papia riba e topico di HIV/Aids) y asina nos lo sigi na trese mas y mas persona den studio pa entrevista y tambe lo tin dianan pa mi por papia tambe riba topiconan social.
Invitacion pa Aruba pa sintonisa Blue fm 107.5, dialuna pa diabierna, horario di merdia 12 pm – 2 pm y tambe por volg mi den e mesun horaio riba facebook of wak e videonan na pagina: Aruba Human Rights for All.
Cu Astrid bisa Mi! email: Arubahumanrightsforall@yahoo.com of contact 5933156.