Home » Hulanda: Siman pasa 13.471 persona a test positivo, un crecemento di 63% compara cu e siman prome

Hulanda: Siman pasa 13.471 persona a test positivo, un crecemento di 63% compara cu e siman prome

by Admin
0 comment 81 views

Bilthoven, Hulanda: Na Rijksinstituut voor Volksgezondheid en Milieu (RIVM) a registra siman pasa na Hulanda un cantidad di 13.471 persona cu a test positivo pa Covid19.
Compara cu e siman anterior, e cantidad di contagio a aumenta cu 63%. E siman anterior tabata tin 8265 persona cu a test positivo pa Covid19.

E cifra di siman pasa no a bin como un sorpresa, e tabata wordo spera caba, mirando e cantidad di testnan positivo pa dia cu tabata kibra record diariamente. Segun nan e cantidad di personanan infecta lo mester ta hopi mas, pa motibo cu tin hopi hende cu mester test y no ta bay test.

Di e total di personanan cu siman pasa a haci e test di Covid19 ta 6.1% so a sali positivo. Dos siman pasa tabata 3.9%. Siman pasa a haci 192.255 coronatest, pero compara cu dos siman pasa, siman pasa a haci 3 mil test menos.

RIVM a informa cu Noord-Holland, Zuid-Holland, Utrecht y Groningen ta e provincianan caminda e contagio ta mas halto. E grupo di edad den cual e contagio ta mas halto ta di entre 20-29 aña. Den tur grupo di edad e cantidad di personanan contagia cu Covid19 ta creciendo. E cantidad di personanan cu a fayece y e pashentnan di Covid19 cu ta wordo interna tambe ta sigui aumenta.

Un cantidad di 33 persona a keda registra di a fayece siman pasa di Covid19, esaki a aumenta compara cu dos siman pasa cu tabata 14 persona. Tambe RIVM a meld cu tin un aumento di personanan interna na Hospital, siman pasa tabata tin 152 persona interna y dos siman pasa 92 persona a wordo interna den hospital.

Pa motibo di e desaroyo negativo di e cifrasnan di contagio, desde Diadomingo a introduci mas medida adicional den e regionnan caminda e contagio ta mas halto. Den e sector di Horeca despues di mey anochi no ta permiti pa laga niun cliente mas drenta den e establecimentonan, tambe tin un prohibicion pa fiesta of actividadnan den grupo di mas cu 50 persona.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio