Home » Mas cu 200 mil hende a fayece na Estados Unidos door di Coronavirus, Merca ta e pais caminda mas hende a muri di Covid19

Mas cu 200 mil hende a fayece na Estados Unidos door di Coronavirus, Merca ta e pais caminda mas hende a muri di Covid19

by Admin
0 comment 70 views

Mas cu 200 mil hende cu a test positivo pa Covid19 a fayece na Merca, e informacion aki a sali diamars durante dia y tabata e resultado di investigacionnan haci pa Johns Hopkins University.

Den e ultimo dos simannan, mayoria di persona cu a fayece di Covid19 a wordo raporta den e estadonan, Texas, Florida y California. Den e mesun estadonan aki mayoria di personanan cu a wordo getest, a test postitivo.

Desde April, Merca ta e pais cu mas contagio y morto di covid19 na Mundo. E cantidad di coronatestnan positivo, ta riba 6.8 miyon.

Dialuna durante un reunion di campaña na Ohio, Presidente Mericano Donald Trump a elogia e maneho di Coronavirus na Merca. Segun su persona, e ta asombra pasobra Covid19 no ta afectando hopi hende. Segun Trump e virus ta afectando mas hendenan grandi cu problema cu curason, of cu otro condicionnan di salud.

Na comienso di e crisis caba e Presidente Mericano a anuncia cu nan ta premira cu maximo 200 mil Mericano lo muri durante e Coronacrisis. E cantidad premira a wordo surprasa caba y e cantidad di contagio lo sigui aumenta.

E cifranan halto di contagio y morto tin di haber tambe cu Merca ta un pais grandi, cu mas o menos 330 miyon habitante. Despues di China y India, ta sigui Merca como pais cu mas hopi habitante na mundo.

Na Merca ta wordo haci relativamente hopi test. Segun cifranan oficial di Centers for Disease Control and Prevention (CDC), na merca a haci mas cu 100 miyon test. Esaki ta pa motibo cu algun mericanonan, manera esnan cu ta traha den cuido medico ta wordo getest varios biaha.

Mundialmente tin mas cu 965 mil hende a fayece di Covid19 caba.

Te na e momentonan aki Merca ta e pais cu mundialmente mas hende a fayece di Coronavirus, sigui pa Brazil cu mas di 137 mil hende a fayece di Covid19, despues sigui pa India cu casi 89 mil hende y Mexico caminda cu 74 mil tambe a perde nan bida di Corona virus.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio