Home Politics Gilbert Webb – Partido HTC: Bon tardi Pueblo di Aruba cu...

Gilbert Webb – Partido HTC: Bon tardi Pueblo di Aruba cu ta sigui nos atraves di Socialmedia y noticiero.

SHARE

Situacion na Aruba por ta duro, no give up. bida por ta duro, no give up, Lanta Ariba. Nos tur ta canando riba un solo ruta, nos tur ta sinti cu nos a wordo poni un banda pa aña’s nan largo, pensando di expresa nos pensamento, si tur esaki lo bal algo. Pensando pa largo tempo caba si tur loke nos tur ta hasiendo si mayan lo tin un mehoracion. Ta importante pueblo pa nos jies sigi pa dilanti. Esaki ta un les cu nos tur a siña den bida, awo te momento pa duna un partido nobo HTC e opportunidad pa demostrabo cu nos ta y por diferente. Mi ta corda mi tabata tin 4 aña di edad cu mi mayornan tabata siñami core bisicleta. Sigur cu si, mi a cai varios biaha, mi ta corda mi a

raska mi pia e momento di a cai, e momento ey mi jies kier give up, y bai mi cas. Pero mi mayornan a bisami “bo no por give up awo, bo ta casi yegando, jies ban purba un biaha mas”. Abo tambe un biaha sigur bo a yega di scucha e palabranan ey, tog? Dus mi a tuma tur mi tempo pa subi e biscicleta bek, mi no tabata kier, pero e momento ta jega cu bo tin cu confronta bo competencia nan. Sigur cu si esey tabata e prome biaha cu mi a core e biscicleta aki sin ningun ayudo. Despues di esaki, mi tabata contento cu mi por a sigi pa dilanti, y cu mi no a give up.

No laga hende bisabo cu bo no por hasi nada, paso nos tur por logra, nos tur por sigi pa dilanti. Bo tin un soño, bo tin cu sigui e sonjo y sibo echt kier bo lobai pe. Ora nos pone tur e duda nan hunto y confronta nan esey ta loke ta hasi e diferencia entre gana y perde, esaki ta ora bo ta bai e extra mile pa logra bo exito. E ta e cantidad di cosnan chikito cu lo hibabo dibiaha na bo victoria. Bo por completa bo puzzle solamente si bo sigui pa dilanti. Semper bo tey haña informacion nobo, e ta kon abo lo tuma e informacion ey y huse pa mihor. Bo tempo ta limita, no husa bo tempo pa critica, husa bo tempo na algo cu mayan bo por wak atras y bisa cu bo a progresa.

Hopi tiki hende so ta disfrutando di kiko nan ta hasiendo aworaki den nan bida, nunca no wordo descurasha, nunca hala atras, corda esaki semper si bo tey cai, lucha cu bo balance pa purba di cai pa dilanti. Bida ta cortico, pesei nos mester sigui cu e pensamento pa sigi pa dilanti, nos tur a y ta experenciando, bon y malo den nos bida, nos tur a y ta sinti e dolor ey, y perdiendo speransa door di tur loke nos ta pasando aden,door di tanto cu nos ta wordo priminti sin resultado riba e Aruba cu nos ta stima masha hopi mes, nos pais. Pero tog nos ta kinan, y awo nos mester sigui pa dilanti.

Kiko ta e ehemple cu nan tey laga, ki sorto di lider y calidad tin, te cu aworaki gobierno a crea hopi siguidor.

Kon nan kier guia e siguiente generation, cu rabia, cu negativismo y cu odio? Cu tur eseinan e lo no functiona.

Pa tin miedo, pa ta sincero y honesto di berdad ken bo ta, lo solamente limita bo pa sa, di berdat ken bo ta deep den bo, pueblo no laga ningun hende kita esey for di bo, HTC ta bisabo no laga ningun hende kita ken, kon y e bon persona cu bo ta di berdat y con bo a wordo lanta, vooral cu hopi hende cu ta worry pabo riba e pais aki, cu stimabo y kier bo bon.

No tin miedo, pa ta honesto y vocifera cu Aruba mester di un cambio, bo no mester tin miedo pa bisa e berdad cu bo por logra hopi mas y tin un mihor bida. Bo no mester tin miedo pa vocifera cu bo ta fada di e partido nan tradicional.

Asta pa ta differente ta dificil pa hopi hende, pero partido HTC ta garantisabo esaki, cu abo ta abo y no tin yuin hende

cu mester cambia abo, ora e tempo yega 2021, kiko bo lo laga atras, cua ruta bo lo laga atras, pa corda otro, di bo curashi, di laga bai di e mal experiencia di bo pasado cu e partidonan tradicional.

E no ta fasil, vooral pa pueblo biba den momento nan dificil pa largo tempo, manera nunca no tin fin. E no ta fasil pa pasa den circumstancia nan doloroso, diferente competencia, e no ta fasil drentando trabou, mira otro kier trapabo, pensando cu awe kisas lo ta bo ultimo dia. E no ta fasil sabiendo cu bo lo tin chens di perde bo cas, dia nan largo comiendo malo, paso bo plaka no ta yega, e tipo di dolor nan aki, e diferente circumstancia nan aki.

Semper durante campanja ta bai tin e partidonan Tradicional lo asercabo durante election pa purba manipulabo, pero

pueblo tuma un rato y pensa por ehemple riba awe, pensa riba e dianan cu bo a sufri, momento nan cu lo keda ripiti. Pone bo mes awo para firme den bo sapato y para duro, bisa cu bo bida ta dibo pa dicidi no di e partidonan tradicional mas. Nan a wordo duna e confiansa na cuminsamento y tumando nos confiansa cambie den enganjo tin nos tur ta sufri y luchando pa wanta cabes ariba di awa ta pa via di nan.

Semper nan lo bisabo tur cos bunita, manipulabo y ponebo confia, mustrando bo e caminda masha bunita, pero abo cu ta biba riba e isla aki aworaki, mi mester pa bo pone man na bo curason wante duro, bira fuerte y no give up, mi mester pa bo tin confiansa den nos partido HTC. Nos mester pa bo compronde, cu semper despues di lama bruto, ta bin trankilidad. Semper tin den mente, tardi of trempan, nos tur

lo tin cu mira e claridad di dia, nos lo no keda den scur pa semper si abo duna nos e chens pa demostrabo.

Bo ta kla pa habri bo caminda pa un mihor futuro? Un cambio den bida cu abo sa, un cambio den bida cu ami sa, cu pronto e dolornan lo jega na nan fin, nos ta papia di bida paso bida ta un bon cos, ta un bunita cos, bida tin asina hopi cos cu bo ta siña di dje, algo cu paar di hende kisas lo no compronde, tin biaha bo ta bisa bo mes cu bo no merese e bida aki, tin biaha bo ta asta puntra bo mes pakiko bo ta sufri tanto asina den e bida aki y dicon e otro eynan no ta sufri manera abo ta sufri.

Pueblo di Aruba nos mester un cambio den e style di biba, si bo laga cosnan afo di bo circulo controlabo, kiko lo pasa despues cu bo posibilidad nan, bo unieknan,

bo qualidadnan, bo principionan,y di berdat ken bo ta di paden ?? Bida ta duru , circumstancian di bida ta duro pero bo no por fake esaki, tampoco bo por sconde di esaki, pueblo bida ta cortico, y e unico cos bunita cu tin ta cu aworaki cu bo tey akinan y tin e poder den bo man pa vota pa un mehoracion, esey te poder unico cu abo sigur por hasi cambio pabo y pa henter pueblo di Aruba. Hunto pa dilanti!