Rudolf Arendstraat, Oranjestad: Diabierna algo prome cu 10’or y mey, riba De La Sallestraat un patruya di polis di playa a bin nota cu chauffeur di un Toyota Tercel Cora tabata coriendo hopi malo y asina tabata trece e trafico den peliger.
E patruya a dicidi di sigui e auto aki y den Rudolf Arendstraat nan a logra bloki’a e auto y nan a bay atende cu e chauffeur. Mesora nan a ripara cu e chauffeur tabata basta bou influencia di alcohol. E chauffeur tabata honesto cu polis y a bisa polis cu e la bebe alcohol y cu e tabata bayendo su cas. Riba dje e no tabata tin un rijbewijs valido.
No a keda e agentenan policial nadad otro cu detene e chauffeur aki y cu transportwagen di polis e la wordo hiba warda di polis. Su Toyota Tercel a wordo staciona na banda di caminda pa no stroba trafico.
