78: Resumen di dia; Cantidad substancial di persona a recupera di Covid-19, mientras casonan nobo pa dia ta keda stabil y no ta mira un reduccion ainda

ORANJESTAD, 18 september 2020. Segun resumen di awe por tuma nota cu 386 persona mas a recupera, tin 78 caso nobo di Covid-19 cu a wordo registra di cual tur ta residente, total di activonan a baha cu 308 persona y awe ta 1309, total di testnan haci ayera ta 413, di cual 303 test a wordo haci na laboratorio di hospital bou residentenan y e total di caso di fayecimento relata na Covid-19 ta keda mescos, 23.

Hospital ta informa cu tin un total di 45 persona interna di cual 11 ta den cuido intensivo y 34 ta isola riba piso general.