Home » Uzo di tapa boca ta bira obligatorio pa tur persona den interior di cualkier localidad.

Uzo di tapa boca ta bira obligatorio pa tur persona den interior di cualkier localidad.

by Admin
0 comment 68 views

ORANJESTAD ARUBA, 17 september 2020. Constantemente Crisis Team y Gobierno di Aruba ta evalua desaroyonan rond di covid-19 na Aruba. Entre otro con e transmicionnan ta sosode, cua medida lo por introduci pa baha e transmicion y evalua si e medida tin efecto.

Abase di e ultimo resultado cu ta señala cu covid ta transmitiendo su mes na pia di trabou, bou coleganan di trabou. A tuma e desicion di cambia e maneho anterior y haci tapa boca obligatorio pa tur persona sin exepcion den cualkier interior di localidad.

E maneho anterior tawata laga e posibilidad pa entre coleganan no mester bisti tapa boca y solamente e cliente of bishitante tin pa bisti esaki.

Cu e maneho nobo tur persona sin exepcion tin pa bisti tapa boca den interior di cualkier localidad pa yuda reduci e transmicion.

Ta importante pa bisti e tapa boca segun e siguiente indicacion.
• Na momento di bisti un tapa boca, wanta esaki su horeanan y no mishi cu e parti cu ta bay sinta na boca y nanishi.
• Bisti un tapa boca adecuado cu ta fit na e cara y cu no ta laga espacio habri na banda tampoco na e nanishi.
• Remplasa un tapa boca humedo pa uno nobo.
• Tapa boca di paña, mester wordo laba cu awa y habon y poni seca den solo. Tapa boca desechabel mester wordo tira afo den bari di sushi.
• Despues di kita un tapa boca y prome cu bisti uno nobo laba man pa evita transmiti micro organismo di e tapa boca bieu pa esun nobo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio