Un felicitacion na e organisacion completo di Traimerdia ta na su lugar! Dia 16 di September 2020 nan a cumpli 24 aña desplegando un tremendo trabou!
Sigur Traimerdia ta fomenta desaroyo y formacion sano di nos muchanan despues di oranan di scol. Esaki nan ta haci mediante di cuido y guia di calidad.
Manera ta conoci TRAIMERDIA ta destina pa muchanan cu ta bay scol preparatorio, basico y special. Un lugar sigur caminda mayornan den tur trankilidad por laga nan yiunan bou supervision y guia di profesionalnan. Sigur esaki ta di hopi balor pa nos famianan caminda mayornan tin un preocupacion menos y por participa den tur trankilidad na e proceso laboral.
Banda di e aspecto di enseñansa en general nan ta haya guia den trahamento di huiswerk. Mas cu claro nan ta duna atencion na desaroyo general y social- emocional di nos muchanan mediante actividadnan riba tereno di por ehempel baile, musica, drama, pintamento, obra di man, deporte, wega y recreacion.
Na Bureau TRAIMERDIA completo masha masha pabien y sigui cu boso trabou asina importante pa nos muchanan y nos comunidad.