Home » Parlamentario Edgard Vrolijk (MEP): Como presidente di Comision di Companianan Estatal den Parlamento a pidi un reunion di comision cu AAA NV

Parlamentario Edgard Vrolijk (MEP): Como presidente di Comision di Companianan Estatal den Parlamento a pidi un reunion di comision cu AAA NV

by Admin
0 comment 57 views

 

 

Aruba den su totalidad ta pasando den momentonan dificil y sigur esaki ta conta tambe pa nos companianan estatal. Y sigur den esaki e compania estatal cu mas a ser afecta ta AAA N.V. Y den esaki por a constata cu AAA NV a cuminsa un proceso pa reduci e cantidad di trahador. Prome fase a ofrece un pakete voluntario unda cu 27 trahador a haci uso di esaki. Dialuna awo segun por a compronde ta cuminsa un di dos fase pa por reduci personal na AAA.NV. Den e fase aki por a compronde cu lo informa no menos cu 50 trahador cu debi na e reorganisacion den AAA NV nan funcion no ta existi mas y sea nan ta tuma un pakete voluntario cu lo ser ofreci, of tin di solicita pa otro funcion cu ta ser habri den e reorganisacion equivalente na nan estudio y si no acepta e pakete of no ta bay aplica pa e posicion nobo, AAA NV lo encamina e caminda di corte pa por pidi nan ontslag. Ami sigur ta lamenta cu den momentonan di crisis y sigur unda cu gobierno di su parti ta haciendo lo maximio p’ asina menos hende posibel perde nan trabao y sigur den e proceso aki AAA NV tambe a haci uso di e loonsubsidie y asina mes ta encaminando e proceso pa kita un cantidad grandi di trahador unda na e momento aki eyfo no tin trabao. 

 

A solicita via parlamento pa un reunion di comision

Den cuadro di transparencia mi persona como presidente di comision di companianan estatal  den Parlamento hunto cu colega Setty Christiaans  presidente di e comision di Parlamento di Turismo , a haci un peticion pa un reunion cu AAA.NV, pa nan por splica parlamento kico ta encera e reorganisacion aki di AAA NV y alabes pa parlamentarionan por haci nan preguntanan a base di locual gerencia trece dilanti. 

 

Posicion di trahadornan

Ora ta trata di un reorganisacion y den e caso aki tin posicionan cu no ta existi mas pero alabes ta habri posicionan nobo. Y e pregunta ta cu si e persona cu su posicion no ta existi mas y cu den concepto di e AAA.NV unda cu e posiscion nobo aki e persona no ta cualifica, esaki nifica cu lo mester bin cu trahador nobo mientas e meta di un reorganisacion ta pa reduci personal? Alabes na prome lugar mester percura pa internamente yena e posicionan nobo cu ta ser habri y sigur den e caso aki AAA NV tin e deber di por school om su hendenan unda cu por ocupa posicionan nobo den e organisacion aki. Y sigur enberdad lo bay reduci pero lo drenta un cantidad nobo di trahadornan, mientras ta papia di crisis financiero. 

Y den dado caso cu di e 50 hendenan cu lo ser atendi cu nan situacion entrante 21 di september tin espacio pa nan solicita pa e posicion habri, ki garantía tin cu nan lo haya esaki , cu no ta un wega di laga nan solicita y despues no tumanan y asina automaticamente ta ser kita di trabao?

Tin un grupo cu lo encamina e caminda di corte con lo atende cu esakinan, siendo cu vision di Gobierno di trata pa menos hende posibel perde trabao y sigur Aruba como accionista mayoritario kico ta e posicion p’ esaki?

 

Trahadornan ta ser representa?

Den bista cu e ultimo dianan tin asina tanto angustia den AAA N.V. y sigur mi ta spera cu nan representantenan por sali y bin afo y splicanan kico ta pasando y sigur mi ta spera di wak nan sostene e trahador cu semper a paga su contribucion cu nan sindicato, paso p’ami ta  imposibel di kere cu dos sindicato den AAA NV cu tanto experiencia den reorganisacion di companianan y  sigur cu amplio conocemento unda cu si habri posicionan nobo esakinan mester ser yena internamente prome. Sigur hopi biaha e posicion nobonan aki ta nada mas cu usa otro bachi pa e mesun posicion existente y ta haci mal uso di oportunidad pa kita trahador. Y sigur ta imposible cu si e posicion financiero di AAA.NV ta asina malo cu ta crea posicionan nobo y  cu si no tin hende pa ocupa esakinan lo mester bin persona nobo pa ocupa eakianan , pami sigur ta inaceptabel y mi no sa e posicion di e respresentantenan di trahadornan den AAA NV y ni di e accionista mayoritario cu lo acepta pa kita hende pero den mesun momento ta crea cupo di trabao nobo pa trahadornan nobo ta lago cu mester bisa cu mester bin un stop completo pa tuma trahador nobo. 

 

Pa termina nos ta en espera di confirmacion di AAA.NV pa wak ki dia nan lo por sinta cu comision estatal den Parlamento pa por duna un splicacion amplio riba e reorganisacion di AAA y sigur nan posicion financiero y sigur e futuro di e compania y su trahadornan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio