Kuerpo Polisial di Korsou ta informa: Dos detenshon, entrada hudisial i konfiskashon.

Kontinuando ku investigashon relashoná ku un kaso di atrako kometé dia 21 di ougùstùs último den área di Muizenberg, polis a detené dos (2) sospechoso.

Djaluna 14 di sèptèmber den oranan di mainta, Tim di Atrako konhuntamente ku Tim di Aresto a bai na un kas den Kaya Espinela. Na e adrès aki a detené dos (2) sospechoso relashoná ku e kaso ariba menshoná. Ta trata di e sospechosonan:
 E hòmber Q.L., di 33 aña di edat i
 E hende muhé A.J.A.M., di 25 aña di edat, ámbos nasé na Kòrsou.

Durante investigashon na e kas en kestion, polis a haña i konfiská un arma di kandela i artíkulonan ku ta di importansia pa e investigashon.

A presentá ámbos sospechoso dilanti di un fiskal ouksiliar ku a ordená nan enkarselamentu, pendiente di mas investigashon