Dutch Caribbean Nature Alliance (DCNA) a kaba di publiká un Guia pa Akshon pa Gerensia, ku por sirbi komo un plan pa e Gerensianan di e Organisashonnan di e Parkenan na Hulanda Karibense, pa rekonosé, reakshoná i protehá nan personal i bishitantenan di áreanan protehá, kontra brote di e aktual pandemia i potensial futuro pandemianan. E Guia pa Maneho ta deliñá protokòlnan sugirí pa mantené distansia sosial, sanidat i otro manera pa aktua na situashonnan di emergensia relashoná ku emergensia di salubridat.
2020 tabata un aña interesante, ku mundu konfrontando retonan sin presidensia entre efektonan di kambio di klima i di e pandemia global kousá pa e Vírus di Novel Corona i e malesa di Covid-19 i loke ku el a kousa. E tópikonan akí a desvelá e nesesidat pa un plan di akshon riguroso di emergensia ku e Gerensia di e Organisashonnan di Parke por hasi uso di dje pa salbaguardiá nan personal i bishitantenan ku por ta di bishita den e áreanan protehá ku nan ta manehá. Ku esaki na mente DCNA a kaba di publiká su Guia di Maneho pa Akshon kontra Pandemia ku por sirbi komo un kuadro pa kada Organisashon di Maneho di Parke pa deliñá nan propio plan di akshon di emergensia adaptá na nan propio situashon.
COVID-19 tabata úniko den e karakterístika ku e infekshon a plama rònt mundu i kon devastador e tabata. E insiguridat rondó di e vírus akí a krea e nesesidat pa distansiamentu sosial i minimalisashon di biahamentu. E bahada den turismo tabata difísil, spesialmente pa Hulanda Karibense. Interakshon entre públiko i personal di e Organisashonnan di Maneho di Parke ta varia entre e seis isla di Hulanda Karibense, sin embargo ku implementashon di e protokòlnan di siguridat i prosedura, por minimalisá e riesgonan.
E Guia pa Akshon pa Maneho di Pandemia lo presentá kada isla e hèrmèntnan nesesario pa rekonosé i aktua adekuadamente den situashonnan di emergensia. Kada brote lo trese kuné su propio sèt úniko di kondishon, pues e puntonan di guia presentá mester keda adaptá na su forma apropiá. E yabi pa akshon
efektivo ta un rekonosementu na tempu di e problema i pa reakshoná ku mas rapides i efisiensia posibel.
E meta di krea plan di akshon di emergensia ta pa sigurá ku e Organisashonnan di Maneho di Parke riba tur e seis islanan di Hulanda Karibense ta sinti nan mes sigur den rekonosementu di tópikonan i tuma reakshon na forma apropiá, spesialmente bou di preshon. Den kaso di pandemia, tempu hopi biaha ta e faktor di mas importante ku un reakshon inmediato ku potensia di salba bida i limitá e plamamentu di kontagio. E plannan di reakshon den kaso di pandemia por ta práktiko tambe den un variedat di otro situashon di emergensia, pues ku protokòlnan transparente, bon pensá, lo por resultá di ta un bentaha importante den reakshonnan di emergensia riba tantu esunnan aktual komo riba esunnan di futuro.
Interkambio di konosementu i eksperensia entre e parkenan di naturalesa di Hulanda Karibense ta hopi balioso i un di e maneranan ku DCNA ta asistí, ta pa reforsá nan aktividatnan. Konhuntamente den un ret di kontakto Organisashonnan di Maneho di Parke ta mas fuerte den e meta komun di salbaguardiá naturalesa na Hulanda Karibense. A inkorporá e lèsnan ku e parkenan a siña den e Guia di Maneho pa Akshon kontra Pandemia.
Ta rekomendabel ku kada Organisashon di Maneho di Parke tuma e rekomendashonnan akí na konsiderashon i hasi uso di nan pa traha un plan mas spesifiká adaptá na nan situashon. E forma di ta prepará pa Pandemia, no ta un proseso rápido komo ku e ta rekirí planifikashon kuidadoso entre tur partisipante i ta embolbí partisipashon di komunidat. Pa e motibu akí, ta importante tambe pa promové embolbimentu di komunidat pa optimalisá konosementu, ekspertisio, rekursonan i retnan di kontakto lokal.
Pa keda bon na altura tokante esaki i tokante vários otro aktividat mas relashoná ku konservashon di naturalesa na Hulanda Karibense, por fabor sigui nos riba wèpsait i riba kuentanan di medionan sosial pa bo organisashonnan di parke nashonal lokal i tambe DCNA. Ora bo ta den duda, por fabor no basilá pa tuma kontakto ku bo organisashon di parke nashonal lokal pa e último desaroyonan.
Pa mas informashon, por fabor bai na e rapòrt kompleto na: https://www.dcnanature.org/wp-content/uploads/2020/09/DCNA-PandemicResponse.pdf