Hooiberg – Dialuna mainta den careda di 11:30 informacion a drenta di un accidente frontal serio ariba e Caya G.F.Betico Croes (Hooiberg).
Mesora a pidi pa polis, ambulance y tambe Materiaalwagen, debi cu lo tin un persona pega den auto tambe.
Na yegada di polis nan a constata cu e autonan envolvi ta un Van di Setar y un auto Suzuki Alto.
E accidente a sosode momento cu e Suzuki bayendo direccion pabou a hala na su man robes y asina ta dal contra e van di Setar.
Manera nos a bisa anteriormente, e dama a keda pega den auto y bomberonan mester a yuda pa sake y di e manera ey Paramediconan por continua nan parti.
Polis di trafico tambe tawata presente pa asina haci nan investigacion.
Caminda di Hooiberg a permanece cera pa algun rato debi cu e auto Suzuki a keda memey caminda.
