Home Police Polis mester a bay pa un Pelea di muhe riba Beach na...

Polis mester a bay pa un Pelea di muhe riba Beach na Eagle, dos dama a keda deteni

SHARE

Eagle Beach: Diadomingo den oranan di atardi, na momento cu solo tabata bahando, presencia di polis a wordo pidi cu urgencia na Eagle Beach pa un bringamento.

Strandpolitie y un patruya di Noord a bay na e sitio, na yegada enberdad tabata tin un pelea di muhe, polis a intermedia y a detene un dama.

E polisnan a nota cu tabata tin aglomeracion di hende y cu tabata tin basta bebemento di alcohol tambe. Mesora e agentenan a cuminsa pone ordo pa tur hende bandona e sitio.

Un amiga di e dama deteni, no kier a bandona e sitio, e la keda eybanda y kier a ple Wonder Woman, di bay caminda polis tabata tin su amiga deteni. Prome polis a papia tur na bon cu ne y a bis’e pa e move for di Eagle Beach, pero e no kier a tende. NO a keda e agentenan nada otro di detene e dama aki tambe.

Transportwagen di polis a presenta y a transportanan pa Warda di Polis.