Kuerpo Polisial di Korsou ta informa: Sospechoso di tiramentu ku morto a entrega na polis.

E hòmber sospechoso ku a tira un otro hòmber djabièrnè anochi dia 11 di sèptèmber 2020 (komunikado 357/2020), a entrega su mes.

Djasabra 12 di sèptèmber alrededor di 13.10’or e hòmber S.C.D. di 50 aña di edat nase na Kòrsou, a presentá na warda di reshèrshi i a indiká ku e mester a tira riba e víktima e anochi promé den Californieweg, ku e konsekuensia fatal.

A detené e sospechoso aki i a present’é dilanti di un fiskal ouksiliar ku a ordená su enkarselamentu, pendiente di mas investigashon.

Polis ta en buska di e arma di kandela ku a keda usa den e kaso aki.