Home Local Den nomber di V.R.A (Vereniging Rijschool Aruba) nos kier a bin cu...

Den nomber di V.R.A (Vereniging Rijschool Aruba) nos kier a bin cu e sigiente comunicado di prensa.

SHARE

 

Despues cu nos a funda nos vereniging y luchando pa mehora e serivicio defende interes di nos miembronan, pa cu e maneho di B.E.R. (Bureau Examen Rijbewijs), nos ta constata atrobe cu B.E.R. no ta funcionando mane debe ser. E conclucion aki ta abase di palabracion hasi durante reunion di e comicion cu Minister a ser institiui pa mehora e servicio y calidad di B.E.R.

Ajera mainta clientenan ta presenta na dicho departamento sea pa inscribi, renoba of pasa examen rijbewijs y pa nan sorpresa y di nos di V.R.A. e oficina na St. Cruz tawata sera sin previo aviso. Ora nos di VRA a bai informa e motibo nos a wordo informa cu e motibo tawata pa fumiga e edificio. Pa es motivo presidente di V.R.A. sr. L. Maduro a pone MinJus. Bikker na altura y hasiele algun pregunta.

Pregunta:
1. No por a fumiga e edificio ariba diasabra of diadomingo ora cu e edificio ta sera?;
2. Dicon no por a informa nos di VRA y e clientela adelanta?
3. Dicon no a usa e persafdeling di KPA pa haci tal?

Pa colmo tin clientenan a wordo jama pa presenta awe tardi despues di trabow (entre 6 y 8 or di anochi) pa hanja un fecha pa pasa e examen pero e lugar tawata sera y a bisa e clientenan pa presenta majan diabierna entre mesun ora pa hanja fecha. Imagina bo ariba un diabierna.
Envez di usa e personal di polis ejecutivo pa controla ordo y siguridad, ta usa e personal pa hasi trabow administrativo.

Pregunta: ta ki clase di manejo esaki ta?
Si. Ministro ta na altura of ta aproba esaki?
Ki dia e oddisea aki ta jega na su fin?

Awe pa nos sorpresa atrobe cliente nan ta jamando y bin oficina rabia paso nan a bai B.E.R. atrobe regla nan papel y examen pa haja tende cu e ta sera te proximo aviso door cu miembro di personal a pega cu Covid-19.

Esaki a pone cu presidente a di V.R.A. a pone tur su miembro nan na altura di e situacion y tambe cuminsa avisa su clientenan. Miembronan y clientela di V.R.A. ta mal contento y asta a sugeri pa organisa un protesta y bai prensa cu e mal maneho aki di parti B.E.R., K.P.A. y Minister di Justicia.

Esaki a jega no time na oido di KC Kock Tjonn cu Minister di Justicia cu a tuma contacto directo cu presidente di V.R.A. pa informa kiko ta pasando. Mirando e situacion y gravedad di e situacion V.R.A. no por keda boca sera y sin asumi su responsabilidad pa defende interes di su miembro y cliente nan.

V.R.A. a constata cu awo den pura B.E.R./K.P.A. core manda un comunicado cu no ta duna informa clarifica tampoco e situacion na B.E.R. Ta bisa cu departamento na St.Cruz ta sera te proximo aviso, kiermeen e praktijk examen no ta pa door mas? Y e otro servicio nan? Con a para cu e departamento na Dominicanesse straat? Theorie examen ta door ainda eynan? Nos kier claridad mas pronto cu ta posibel di parti di B.E.R., K.P.A. y Minister di Justicia.

VRA a agota tur su tempo y energia pa conseha bo persona ki pasonan tin cu wordo tuma pa mejora e sirvicio na B.E.R. pero envano.

Covid-19 tin un impacto grandi ariba entrada di e rijscholen y ariba dje B.E.R. no ta dunando e servicio manera ta wordo spera di nan. Nos tin nos gastonan fijo mensualmente y nos entradanan ta cayendo drasticamente como conseguencia cu nos tin cu sera nos negoshinan y tin cu manda hende cas. Mas desempleo.

V.R.A. ta evaluando ki pasonan nos lo bai tuma pa asina savalguardia interes di nos miembronan. Mas cu tres siman pasa VRA a pidi un reunion cu bo persona pero envano. V.R.A. ta urgi Minister pa concode nos un reunion no mas tardi cu aki un siman. V.R.A. ta di opinion cu tur e reunionan cu a wordo teni cu su persona tawata tempo perdi, ya cu e situacion na B.E.R. ta idem dito.

Di antemo danki,

R. Maduro Presidente V.R.A.
T. Ruiz Secretaris V.R.A.