Caya Dr. J.E.M. Arends – Diamars anochi den careda di 10:30 informacion ta drenta cu auto lo a alcansa un persona altura di La Quinta beach resort.
Mesora polis di trafico a cuminsa bay e direccion. Na yegada di polis ya ambulance tawata tratando cu e cabayero.
E incidente no a sosode directamente ariba caminda grandi cu ta core banda di Eagle.
E la sosode ariba Caya Dr. J.E.M. Arends, ariba un pida tereno habri patras di condominium den construccion.
Polis a puntra e cabayero si auto a dal e, e la bisa cu no, pero cu ta hende a dal e.
E cabayero tawata bou influencia tambe, y si ta auto a dal e e lo tawata herida na su curpa.
Loke polisnan ta pensa cu posiblemente e lo a wordo asalta y maltrata. E cabayero tawata tin golpinan basta serio na cara.
Paramediconan a yude lanta y despues a yude subi ariba e stretcher, e la wordo hinca den ambulance y transporta pa hospital eynan mes.