Home Police Hoben herida haya cu basta droga den auto, y posiblemente e lo...

Hoben herida haya cu basta droga den auto, y posiblemente e lo a tira tambe den Sero Patrishi

SHARE

Tanki Leendert/Sero Patrishi  –  Diamars anochi den careda di 7:30 varios polis a bay Sero Patrishi y Tanki Leendert, unda lo tawata tin un pelea y habitantenan a scucha algun tiro.

Na yegada polisnan ya e problema a termina, manera sa pasa den mayoria caso.

Pero, polisnan atento a mira un Nissan March haci sospechoso y mesora a bay su direccion.

Pariba di e luga di bende cuminda a bay over na un control. Aki ta unda e agente a constata cu e chauffeur basta jong tawata na sanger y tambe den e auto tawata tin sanger.

A sigui controla y a bin haya haya “basta” droga, por a mira un saco di plastic dilanti banda robes.

Mesora a bay over na detene e hoben aki y pone den boei.

Mientrastanto a pidi pa un ambulance pa controle prome nan transporte pa warda di polis.

Despues di basta rato ambulance a yega y por a mira nan tawata controla parti ariba di cabes di e hoben, eynan e lo a wordo herida.

Agentenan tawata sigui controla tur banda di e auto y hasta a tawata sigui busca den e motor di e auto.

Na final a pone un saco di plastic color preto na e mannan di e hoben y a wante cu tape y e tawata den boei.

A pone su mannan den tape pa mas laat BFTO a tuma samples, pa asina mira si tin polvo ariba dje.

Esaki ta un indicacion cu e hoben aki lo a tira, polis lo tin di bay investiga esaki, pues pa e motibo eynan a hinca ambos man den plastic.

Lucho Towing a presenta pa asina hiba e auto warda di polis, tur esaki despues cu BFTO a termina nan investigacion ariba e auto na Tanki Leendert.