Home » Booshi Wever: UPP CU “OPEN BRIEF” PA RUTTE CS!

Booshi Wever: UPP CU “OPEN BRIEF” PA RUTTE CS!

by Admin
0 comment 78 views

Diaranson 9 di september 2020 UPP como partido politico sin representacion den Parlamento a dirigi un “open brief” di 4 pagina na unda den palabranan cla ta mustra cu e ABUSO cu Hulanda ta cometiendo, no contra e gobierno, pero CONTRA e pueblo Arubano y cu ta “KONINKRIJK ONWAARDIG”!

Den articulonan anterior UPP a mustra caba cu Hulanda ta hasiendo un biaha mas mal uso di e documento politico cu yama Statuut pa forsa su tendencianan NEO-COLONIALISTA! UPP a mustra caba cu na un manera cobarde kier hinca Aruba den un “CONSENSUS-RIJKSWET” di manera cu no por bay busca sosten na e plataforma internacional di e.o. UN of OAS. Cu otro palabra Hulanda kier “rape” pero e kier pa nos bisa cu nos mes a consenti cu e “rape” aki tambe, hasiendo uso di tacticanan cu nos sa mira cu “sugar-daddies” ta haci den bida cotidiano.

Dia 8 di september Knops ta manda un carta pa 2de Kamer y ta bolbe reitera cu nan ta conciente cu nan ta mishi cu nos autonomia y cu ya nan tabata bezig cune for di basta tempo caba. Pues e storia cu e PM di Aruba kier bin conta cu ta un sorpresa ta un otro mentira di e prome mandatario. Den e carta aki sr. Knops ta bolbe accentua cu e 3 Musketeers Hulandes, via un ZBO, lo bay “wheel & deal” den SU nomber e asuntonan na Aruba. E ta presenta un storia bunita na unda e ta bisa cu Parlamento di Aruba lo dicidi al final. Pues e no ta mishi cu e “budgetrecht” di nos Parlamento, ni nos autonomia, ni nos democracia, ni nos estado di derecho. Wel wel, bay tin curashi.

Den e documento e ta scirbi textualmente riba pagina 2:

“Mochten de Staten van een land om welke reden dan ook niet bereid zijn om in te stemmen met een hervorming of de financiering hiervan vanuit de EIGEN begroting, dan kunnen zij deze tegenhouden. CONSEQUENTIE kan wel zijn dat de entiteit of het Nederlandse kabinet geheel of gedeeltelijk stopt met de verstrekking van financiële steun.”

Aki na un manera hopi tactico ta pone e “zwaard di Damocles” riba e Parlamento di Aruba. Increibel con un pais colonizador ta abusa di un “partner” cu ta den un crisis. Un abusador pur sang.

Tristo di henter e asunto aki ta cu tin individuonan cu tur tempo a probecha di e situacion di “BAD GOVERNANCE” awe ta bin hunga “el Santito” brazando e abusonan aki. Ta p’esey UPP ta insisti riba un gabinete na unda no tin politico aden pa trece e cambionan fundamental cu ta sumamente necesario pa evita cu sea e gobierno zwak di POREDmep y e gobierno abusador hulandes bin torno na e derecho exclusivo di e PUEBLO ARUBANO! Y esaki ta NON-NEGOTIABLE.

Si politiek Den Haag ta di opinion cu e gobiernonan AVPOR y POREDmep a hiba un maneho cu ta bay contra principio di “behoorlijk bestuur” y NO tin confiansa cu gobierno di Aruba lo ta dispuesto pa trece e cambionan necesario, anto UPP lo sugeri Hulanda pa encamina e ruta corecto. Esaki ta articulo 51 di e Statuut di Reino cu ta un ALGEMENE MAATREGEL VAN RIJKSBESTUUR. Pero noooo, Hulanda ta asina “koloniserend bezig” cu kier “rape” nos y pidi Aruba pa “teken bij het kruisje” tambe. Cu otro palabra nan ta insisti riba un “CONSENTUELE VERKRACHTING”. Atrobe un acto “KONINKRIJK ONWAARDIG”

UPP ta keda para riba cu prome cu diabierna awor e gobierno POREDmep mester tene honor na su mes y bay Gobernador pa entrega nan retiro y conseha na Gobernador pa bin cu un gabinete NO-POLITICO cu lo efectua e reformanan necesario cu nos tur ta desea!
Awor e gremionan mester mustra cu di berdad nan stima nos pidi baranca y cu ainda ta existi dignidad. Alabes e partidonan politico MESTER warda nan bandera di partido y hisa esun di Aruba! Nos Status Aparte, nos KLOMPI di DIAMANTE, bal hopi. Ban balore. No lubida goberna bo pais, bo patria cu e reglanan estricto di Bon Gobernacion na vigor tambe ta un IDEALISMO. Ban hunto pa caba cu nos epoca di “Bad Governance” y ban hunto drenta den e epoca di GOOD GOVERNANCE cu un desenlace final di un GREAT GOVERNANCE! Ta pueblo so por salba e pueblo!!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio