Home Politics Lider di fraccion Marlon Sneek (AVP) Discurso aña Parlamentario 2020 esun...

Lider di fraccion Marlon Sneek (AVP) Discurso aña Parlamentario 2020 esun di mas cortico y sin perspectiva

SHARE

 

 

 

Parlamentario Marlon Sneek a keda sorprendi cu den e tempo di crisis, e ta scucha e discurso di mas cortico den historia di apertura di aña Parlamentario. 

Parlamentario di AVP a bisa cu si analisa e discurso di 8 pagina aki, e no ta duna ningun aliento pa futuro.

A hala su atencion cu ta papia asina bon di un Masterplan, cu ningun hende sa con a yega na dje, con el a wordo hinca den otro y pio ainda, no a yega na debati ainda riba dje. 

“Ta un hilaridad pa scucha den e discurso, traha dor di Gobierno, ta papia cu mester tin union bou di politiconan, cu mester pone nan diferencia un banda. 

Hilaridad pa motibo cu e unidad aki mester bin bou di e Ministernan unda nan ta pleita cu otro,  Parlamentarionan no ta apoya otro manera debe ser. 

No por conclui otro cu Gobernador a trece dilanti of su discurso a refleha loke ta pasando den e  mesun Gobierno of e fraccionnan di coalicion. 

Pa nos e discurso no ta duna ningun perspectiva.”

Loke Parlamentario Sneek a mustra cu el a sinti falta di dje, ta e parti di refineria. Mas ainda pasobra ta recientemente Prome Minister a bisa cu tin hopi interes den e facilidad di e refineria. “Sinembargo den e discurso di Gobernador nada di esaki a keda refleha. 

Esaki mientras cu algun siman atras ainda tabatin un entusiasmo grandi cerca Gobierno di loke por sosode cu e refineria. A papia di 16 zona protegi, cu no ta nada nobo.

 Ta un tema cu ta data for di tempo di Gabinete Mike Eman II. 

Pa nos tabata tristo pa scucha un discurso manera esaki, sin perspectiva, na momento cu e pais ta pasando den un situacion basta dificil, sperando di haya un aliento di unda Gobierno lo bay. Pero no a tende esaki. Pa nos un speech cu ta di lamenta di a scucha,” e lider di fraccion di AVP, Marlon Sneek a declara.