Home Police Kayak den problema na altura di Bushiribana a resulta di ta algun...

Kayak den problema na altura di Bushiribana a resulta di ta algun persona cu a bay pisca

SHARE

Bushiribana: Dialuna den careda di 6’or y 45 di atardi alarma a wordo bati pa un kayak cu lo ta den problema riba e lama, na altura di Bushiribana.
Mesora a manda un patruya di polis direccion di Bushiribana, pa asina bay check kiko ta pasando cu e kayak den oranan laat di atardi riba e lama bruto y peligroso.

Na yegada enberdad nan a mira un kayak cu hende riba dje basta leu for di costa, e agentenan a cuminsa zwaai y e hendenan riba e kayak a zwaai bek. E kayak a sigui bay direccion pariba, e polisnan a dicidi di sigui e kayak aki pa mira unda nan ta bayendo.

Diripiente e polisnan a perde e kayak for di bista, nan a bay mas cerca di e costa pa mira si nan por mira algo pero nada. Un rato despues un homber a presenta riba nan, e la bisa e agentenan cu e tabata un di e hombernan riba e kayak, tambe e la splica e agentenan cu nan ta custuma di haci esaki, ora lama ta calmo, nan ta sali cu nan kayak bay pisca eybanda.