Home Intimacy Fantasia y deseo sexual

Fantasia y deseo sexual

SHARE

 

E siguiente articulo por provoca humor, asombro of probablemente disgusto entre algun lector, pero den realidad e ta duna un bista humano tocante deseo sexual, algo cu mayoria di nos tin, pero pa diferente motibo, ta nenga di tin.

For di un reciente investigacion cu 4175 participante adulto di diferente sexo, edad, etnicidad y orientacion sexual, bou guia di psicologo social Justin Lehmiller, a sali na cla, cu mayoria di esunnan encuesta a yega di tin e siguiente fantasianan (1-mas frecuente, 7-menos frecuente):

  1. Sex cu mas di un pareha: Sex den grupo, den e caso aki, threesomes, orgies, gangbangs, etc. Solamente 5% di e hende homber y 13% di e hende muhe encuesta a bisa di nunca tawata tin un fantasia asina. Pues pa e gran mayoria esaki si tawata e caso. Pa tanto hende homber como hende muhe, e threesome tawata e tipo di fantasia di mas comun dentro di e categoria di groupsex fantasies. 
  2. Poder, control y ‘rough sex’: Otro di e fantasianan di mas popular, ta e fantasia di BDSM (tipo: Fifty Shades) Bondage, Discipline/Dominance, Sadism/Submission, Masochism ta number dos ariba e lista. Solamente 4% di hende homber y 7% di hende muhe encuesta a bisa di nunca a experiencia un fantasia di e tipo aki. Pues esunnan cu tin fantasia cu BDSM, ta definitivamente den e mayoria.
  3. Novedad, aventura y variedad: Tipo di actonan sexual cu e persona nunca a yega di haci. Pa esunnan cu por ehempel nunca a yega di experiencia sexo oral of anal of nunca a experimenta cu sextoys of cuminda (chocolate syrup, whipped cream etc.), esaki lo por ta un fantasia cu ta inclui novedad. Pero esaki ta varia di persona pa persona y di pareha pa pareha. Ta trata aki di experiencianan cu pa e persona of pareha ta nobo, of ta yena e falta di aventura of variedad den nan bida real. 
  4. Sex prohibi y considera como ‘taboo’: Voyeurismo: wak otronan haci sex sin nan consentimento of exhibicionismo: haci sex cu e intencion pa otronan wak bo, sin cu esakinan ta di acuerdo, y e asina yama ‘foot fetish y otro fetishes ta ehempel di fantasianan sexual cu ta cay bou di number 4 entre e personanan encuesta. 
  5. Comparti pareha y relacion no-monogamo: Swinging, cuckolding, open relationships y polyamory ta cay bou di e categoria nr. 5 di fantasianan mas popular. Swinging ta encera relacionnan, den cual ta permiti intercambio di pareha cu placer sexual como e unico proposito. Cuckolding ta encera e permiso pa bo pareha tene relacion sexual cu un otro persona mientras abo ta wak. Open relationships ta relacionnan den cual ta permiti pa tin encuentronan sexual cu otronan, cu of sin un conexion emocional. Polyamory ta relacionnan cu ta permiti pa sostene un of mas relacionnan cu contenido sexual y/of amoroso banda di e relacion principal. 
  6. Pasion y romanticismo: E tipo di fantasia sexual aki ta inclui no solamente e acto di sex, pero acompaña di sentimento intenso di romanticismo y pasion. Deseo ta hunga un rol importante den e tipo di fantasia aki, cu ta yena cu candela di pasion. E fantasia aki tin hopi di haber cu e necesidad di sinti stima y desea.  
  7. Flexibilidad erotico, specificamente ‘homoeroticism’ y ‘gender bending’: Den e tipo di fantasia aki por ehempel e persona ta transforma den e sexo opuesto of un persona bisexual, homosexual of transsexual, y/of tin un encuentro sexual cu un persona bi- homo- of transsexual of un persona di e sexo opuesto. Pues e tipo di fantasia aki ta rebeldia contra e normanan prescribi pa sociedad pa locual ta trata sexo/genero.

Mayoria di esunnan encuesta door di Lehmiller tawata heterosexual y den relacionnan monogamo, pues compartiendo nan bida cu un solo pareha. A bin sali na cla, cu mayoria di fantasianan ta caracterisa pa e deseo di kibra cu normanan cultural y restriccion sexual. Mayoria hende ta lanta cu e enseñanza cu sex ta consisti solamente cierto acto (penetracion di un vagina cu un penis), cu ta supposed di tuma luga bou di circunstancianan limita (dentro di un matrimonio heterosexual y monogamo) y ta supposed di tuma luga pa motibonan util (cuminsa y amplia un famia). E fantasianan aki ta duna un bista con, inconscientemente, e ser humano ta rebeldia contra e normanan aki door di imagina un variedad di actonan considera como ‘malo’ ‘inmoral’ of hasta ‘taboo’. Sorpresivamente e fantasia di infidelidad a resalta masha poco entre e fantasianan di mas comun.

Den su buki “Tell me what you want”, Lehmiller ta splica tocante e motibonan – entre otro psicologico – pa cierto fantasianan y tambe ta papia di kico por wordo considera como ‘normal’. ‘Normal’, segun Lehmiller, ta nifica ‘estadisticamente comun’, es decir fantasianan cu mayoria hende tin. Esaki no ta nifica cu ta sano of apropia pa haci tur fantasia realidad.  

Intima-C note: Un fantasia ta completamente safe, mientras e ta den bo cabes. No ta consehabel pa pone den practica cualkier fantasia cu un persona cu no por of no a duna consentimento. Semper keda firme na bo principionan, y evita cualkier acto cu no ta inclui safe sex, y/of lo por haci daño na otronan of perhudica abo mes.  

Desiree Swaen, Intima-C Coach & Julisa Arends-Hoevertsz, Intima-C Consultant

https://www.facebook.com/intimacskillsacademy