Home Local Exprodesk ta invita nos artesanonan di e Industria Cultural y Creativo pa...

Exprodesk ta invita nos artesanonan di e Industria Cultural y Creativo pa participa na e Proyecto “Arts without Borders 2020”

SHARE

 

 

ORANJESTAD – Departamento di Asuntonan Economico, Comercio y Industria y su unidad Exprodesk ta invita nos artesanonan pa participa na e Proyecto di Industria Cultural y Creativo “Arts without Borders 2020”. Si bo ta un artesano y kier haya mas informacion con pa exporta bo creacion, esaki ta bo oportunidad pa participa na e proyecto aki cu lo cuminsa dia 18 di september 2020, 9:30- 11:00 am via Zoom y ta completamente gratis. 

 

E proyecto “Arts without Borders 2020” lo tuma lugar den 4 stap y lo ta un oportunidad unico na unda tur artesanonan cu participa, lo tin e oportunidad pa haya ‘export coaching’ gratis di sra. Lay Hing de Kort Yee y sr. Frits Israel.  Pa por participa na e proyecto aki, e artesanonan lo mester participa den e prome Webinar y lo haya e oportunidad pa participa na full e proyecto cu tin un valor di mas cu Afl. 8000,- completamente gratis! Mester registra adelanta pa por participa na: s.meijer@deaci.aw 

 

Exprodesk a crea y desaroya e proyecto aki cu e meta pa ekipa nos artesanonan di e Industia Creativo cu e conocemento necesario di e ultimo tendencianan clave pa asina nan por exporta nan creacionnan haciendo di nan talento y creatividad un negoshi exitoso. Door di esaki e obhetivo di e proyecto aki ta pa identifica, yuda prepara y ekipa e artesanonan cu tin potencial pa exporta cu e conocemento necesario pa por logra haci esaki exitosamente.  E prome Webinar lo trata e siguiente topiconan:

  • Kico ta exportacion y dicon considera exportacion;
    • E interes di e consumidor;
    • Disposicion di bo negoshi/organizacion.
  • Caracteristicanan cu ta conduci na e exito  di exportacion;
  • E diferencia entre exportacion di productonan y servicionan;
  • Con mi ta prepara mi mes pa exporta y con mi ta  promociona mi mes?
  • E formanan pa internacionalisa bo online store pa marketing digital;
  • Nos por exporta nos talento/conocimiento?
  • Unda e oportunidadnan ta?
  • Con pa mi paketa mi producto y/of servicionan pa exportacion? 

 

Pa mas informacion over di e proyecto “Arts without Borders 2020”, con pa participa of con pa registra, por tuma contacto cu sra. Sharon Meijer via: s.meijer@deaci.aw