Mahuma – Diadomingo anochi pa mas o menos 8:45 polis a wordo notifica di un problema na un adres situa na Mahuma.
Lo tawata trata di un pelea.
Mesora un patruya a sali pa e direccion unda e pelea lo ta.
Na yegada di polis un di e personan envolvi den e problema no tawata tey.
Polis a pidi ambulance tambe debi cu un cabayero lo a ricibi un corta of hinca.
Algun minuut mas laat ambulance a presenta na e sitio.
Un patruya cu a yega na e sitio lo a bay tira bista mas pazuid ariba e caminda y a bin topa cu un di e protagonistanan.
Manera nan a yega na e adres cu polis tawata, por a scuchanan bisa pa detene e cabayero.
Na yegada di ambulance e homber corta/hinca a cana subi ambulance.
Paramediconan tawata atende den e ambulance y despues di algun rato nan a bay direccion Hospitaal.
Algun familiar di e victima a presenta na e sitio pa pone nan mes na altura di kiko a sosode cu un famia di nan.
Transportwagen di Santa Cruz a yega na e sitio y a transporta e homber cu a corta e otro cabayero pa warda di polis na Santa Cruz.
Agentenan na e sitio a keda tuma datonan di ambos banda.
Kiko tawata e motibo cu a cuminsa un problema cu a bay asina leu no ta mucho cla.
